Каква било форма на признавање на Косово или отстапка за членство во ОН се нашите црвени линии, смета Вучиќ

Српскиот претседател Александар Вучиќ изјави денеска дека му пренел на советникот на американскиот Стејт департмент, Дерек Шоле, дека секоја форма на формално или неформално признавање на независноста или отстапка за членство на Косово во ОН се „црвени линии“ кои Белград нема да ги помине.

„Ние укажавме на се она што веќе им го доставивме на авторите на тоа писмо во нашиот нон-пејпер, кои се нашите црвени линии. За која било форма на формално или неформално признавање на независноста или отстапување членство во ОН, ние не сакаме и не можеме да разговараме и тоа е составен дел од тој план. Можеме да зборуваме за се друго“, изјави Вучиќ во Белград.