Кај клучка Илинден се судрија полициско возило и автомобил управуван од кумановец

МВР информира дека вчера попладне во 17.30 часот во СВР Скопје било пријавено дека на автопатот Скопје – Куманово, во близина на клучката „Илинден“ се случила сообраќајна несреќа помеѓу патничко возило „фолксваген поло“ со словенечки национални ознаки, управувано од С.Ш.(78) од Куманово и патничко возило „шкода јети“, сопственост на МВР.

Во несреќата со телесни повреди се здобиле двајца полициски службеници, констатирани во Градска општа болница „Св.Наум Охридски“.

Извршен бил увид од увидна екипа од СВР Скопје.