Секој ден од техничката Влада го покажува лажното лице на ДПМНЕ. Се потврдува, едно зборуваат пред – друго прават откако се дел од власта. Јавно, Министерот за внатрешни работи од ДПМНЕ изјави дека не успеале да ја убедат амбасада на соседна Грција. ДПМНЕ не може една амбасада да убеди, изјави Дарко Каевски, пратеник и портпарол на СДСМ.
– Истите оние кои велеа дека можат меѓународен договор да променат, дека може да го променат и францускиот предлог и преговарачката рамка. Една амбасада ДПМНЕ не може да убеди а не 27 земји членки на ЕУ да се смени преговарачка рамка. Уште еден лажно креиран мит, една невистина е целосно разоткриена. Се потврди она што го говоревме. Го имаме најдобриот договор што можеше да го добиеме. Туку затоа што преговарачката рамка е одобрена и прифатена од 27 земји членки на ЕУ – вели Каевски.
