Кабинетот на Иванов демантира дека се планирало прогласување воена состојба и отфрла вмешаност на советникот Алексоски

Кабинетот на претседателот Ѓорге Иванов реагираше во врска со исказот на обвинетиот Михаил Младеновски за случувањата од 27 април дека советникот на претседателот Синиша Алексоски им кажал дека Иванов ќе прогласи воена состојба.

-Давање лажен исказ е кривично дело. И по не знаеме кој пат, Кабинетот на претседателот на Република Македонија ги отфрла искажаните лаги, измислени настани и непостоечка комуникација за вмешување на советникот Синиша Алексоски во случајот од 27 април”, се наведува во реакцијата од Кабинетот на претседателот.