Јувентус го промовираше Кулушевски: Шведскиот играч со македонско потекло ќе биде важен играч за нас

Фудбалскиот клуб Јувентус вечерва и официјално го промовираше Дејан Кулушевски за нов играч, откако утринава ги помина лекарските прегледи.

На својот официјален сајт, италијанскиот првак напиша дека 19-годишниот шведски играч со македонско потекло ќе биде важен играч за Јувентус.

-Со само 19 години, и кристален талент, тој ќе биде важен играч за Јувентус, велат од клубот.

Кулушевски ќе остане како позајмен играч во Парма до крајот на сезоната, а од почеток на наредната ќе му се приклучи на италијанскиот првак.

Јувентус за Кулушевски плати 35 милиони евра и плус 9 милиони во бонуси.