Јункер: Земјите од Западен Балкан се уште не се подготвени за членство во ЕУ

Земјите од Западен Балкан нема да пристапат во ЕУ до крајот на овој мандат на Европската комисија, бидејќи не ги исполнуваат потребните услови, а реформите се неопходни за влез во Унијата, изјави претседателот на Европската комисија, Жан Клод Јункер, за време на неговото обраќање во Европскиот парламент.

-Сакам да испратам порака до земјите од Западен Балкан дека пристапувањето во ЕУ не е природна работа, туку се стекнува со многу напор. Сите конфликти мораат да бидат решени пред нивното пристапување во ЕУ. Земјите од Западен Балкан заслужуваат вистинска европска перспектива – рече Јункер.

Тој додаде дека Бугарија, која ќе претседава со Советот на ЕУ во наредните 6 месеци, може да биде извор на инспирација за земјите од Западен Балкан.