ЈСП нема да вози утрово по 9 часот, најави синдикатот

По 9 часот утрово нема да возат автобусите на ЈСП, одлучи Синдикатот на вработените во ЈСП.

Според одлуката автобусите ќе останат во гаражите, по што вработените ќе одат во Град Скопје за да ја проследат седницата која ќе се одвива таму, а на која на дневен ред се субвенциите за ова јавно претпријатие.

„Вработените во ЈСП имаат срце и душа да излезат во пресрет на болните луѓе и децата, вработените, за да стигнат на работните места. Потоа, во 9 часот сите автобуси се повлекуваат. Во 10:30 часот, вработените ќе бидат во Град Скопје и ќе останат се до носење на одлуката“, рече Миќо Стојановски, од Синдикатот на ЈСП.

Штом им легне плата на сметка, како што најавија, возачите ќе ги вратат автобусите на улица.