ЈСП ги префрли автобусите во Транспортен центар по најавената блокада на приватните превозници

Откако приватните превозници најавија дека денеска со своите возила ќе ги паркираат пред централата на ЈСП, јавното претпријатие своите автобуси чии линии тргнуваат од централата во Автокоманда ги префрли во Транспортниот центар под Железничка.

Уште пред еден месец започна хаосот со јавниот превоз во градот. Тогаш вработени во ЈСП протестираа заради неисплатени плати. По нив, приватниот превозник „Макекспрес“ поради долг прекина со работа. Приватните превозници „Макекспрес“ и „Слобода превоз“ во Скопје функционираат со 15 автобуски линии.