ЈП Македонски железници го осуди штрајкот на машиновозачите

by Fokus 15:32
15:32

Јавното претпријатие Македонски железници – инфраструктура го осуди штрајкот на машинскиот персонал во Македонски железници – транспорт.

Во соопштение испратено до јавноста од МЖ изјавуваат дека тие се заложници на една група работници – машиновозачи, бидејќи не постои друг оператор кој врши превоз на патници и стока, и поради тоа и двете компании трпат огромни загуби. Оттаму велат дека нема да прифатат селективно покачување на коефициентот на сложеноста на работните места и други привилегии на работните места.

- Advertisements -

Проблемите во железничкиот систем настанаа во ноември 2011 година, со измените на законот за железнички систем, со кој се забрани либерализација на пазарот. Оваа новонастаната ситуација ѝ овозможи на МЖ-транспорт позиција на монопол.

„ЈП Македонски железници- инфраструктура од новата реформска влада побара да се врати законот и да дозволи либерализација на пазарот на железнички услуги во согласност со европските директиви. Со либерализацијата на железничкиот пазар во Република Македонија, ЈП Македонски железници-инфраструктура е подготвена да дава услуги и на други заинтересирани оператори кои сакаат да влезат на македонскиот пазар“, пишуваат МЖ во соопштението.

 

 

Поврзани новости