Јовановски очекува прием од Ковачевски

Директорот на приватниот автобуски превозник „Слобода превоз“, Ленин Јовановски, порача дека тие остануваат на своето барање и очекуваат во која било формат да бидат примени од премиерот Димитар Ковачевски.

Како што додаде тој, доколку нема решение по средбата со премиерот, опциите на граѓански револт и протестите и понатаму остануваат.

„Ние остануваме на нашето барање и очекуваме премиерот во која било форма да не прими каде што ќе ги изнесеме сите докази и факти и граѓаните мора да бидат известени од највисокиот државен орган околу тоа што се случува во јавниот превоз“, истакна Јовановски