Кога станува збор за него, бројките некако се во втор план, кошарката на Никола Јокиќ е повеќе од статистика – негов заштитен знак се магични потези, асистенции, кошеви…
Сепак, таму каде што има свеж шампион во НБА и МВП на финалето, обично има рекорди и интересни бројки кои само потврдуваат какво патување имаше и колку доминантен беше центарот на Денвер Нагетс оваа сезона.
Она што се издвојува е фактот дека мајсторот на Денвер го однесе тимот низ плеј-офот и заврши со 600 поени, 269 скока и 190 асистенции.
Никој пред него во плеј-офот не успеа да биде најдобар кога се во прашање сите три статистички категории.
На патот до титулата во плеј-офот имаше просек од 30 поени, 13,5 скока и 9,5 асистенции, додека слични бројки имаше и во финалето против Мајами – 30,2 поени, 14 скока и 7,2 асистенции.
Како 41. пик, Јокиќ стана најслабо рангираниот играч на драфтот кој стигна до титулата МВП во финалето на НБА.
Интересно, на тој драфт во 2014 година во Бруклин, втор е избран Џабари Паркер, кој нема клуб од 7 јануари 2022 година и се раздели со Бостон.
Првиот беше Ендрју Вигинс, а трет беше овогодинешниот МВП на НБА, Џоел Ембиид.
Токму Јокиќ во претходните две сезони беше МВП на таканаречениот регуларен дел од сезоната, а годинава подигна уште две награди за најкорисен играч во финалето на Западот и големата НБА лига.
Со сето тоа тој е само шестиот кошаркар надвор од САД кој станал МВП на големото финале.
Пред него ваков подвиг постигнаа Јанис Адетокумбо (Милвоки, Грција – 2021), Дирк Новицки (Далас, Германија – 2011), Тони Паркер (Сан Антонио, Франција – 2007) и Хаким Олајџувон (Хјустон, Нигерија – 1994 и 1995 година).
