Француската организација ADMD, која се залага за евтаназија, сподели на социјалните мрежи постер кој ја пресоздава ужасната сцена во парискиот тунел од 1997 година каде што почина принцезата Дијана.
„Дијана не ја избра својата смрт. Во 2024 година треба да можеме да бираме“, е описот под огласот кој ја згрози јавноста.
Ова веднаш предизвика широко распространета осуда, при што пријателите на покојната принцеза и политичарите ја опишаа рекламата како „одвратна и гнасна“.
Бароницата Роза Монктон, која беше блиска пријателка на принцезата, ја осуди кампањата, велејќи дека е сурова, бесчувствителна и опортунистичка.
„Дијана беше искористена за време на нејзиниот живот, а сега од ниски мотиви се искористува нејзината смрт“, рече таа, пренесува Дејли мејл.
Кенсингтонската палата изрази лутина и вознемиреност што нејзината трагична сообраќајна несреќа била искористена во објавената реклама.