Јанчев: Има потенцијали за смена на Мицкоски, но никој тоа не би го направил позади негов грб

Митко Јанчев во вечерашното гостување на телевизија Канал 5 рече дека во ВМРО-ДПМНЕ има потенцијали за смена на лидерот Христијан Мицкоски, но никој тоа не би го направил задкулисно.

-Од моја гледна точка, не е сјајно во партијата. Мое лично мислење е дека во ВМРО-ДПМНЕ не постои човек кој би направил пуч. Напротив, ВМРО-ДПМНЕ или јас тоа би го побарале на транспарнтен и отворен начин од Мицкоски. Има потенцијали за смена, кои можат да понудат своја програма, но нема човек што тоа би го направил позади грб. Јас мислам дека Мицкоски треба да одговори на писмото на Мијалков. Јас да сум лидер, би одговорил на сите прашања од писмото, рече Јанчев.