Коалицијата „Храбро за Македонија“ најави тужба до Управниот суд, бидејќи како што велат, им биле украдени повеќе од 600 гласови од три избирачки места.
Оттаму најавија и кривична пријава против претседателот на Државната изборна комисија, Александар Даштевски, а посчоуваат дека не е исклучена и кривична пријава против ДИК.
Велат дека украдени гласови има во изборните единици 1, 2 и 5, кои пак се префрлени на коалициите Вреди и Европскиот фронт.
„Само од три места ни се скратени повеќе од 600 гласови и им се префрлени на други политички партии. Ова кажува колку голема беше кражбата на овие избори, но и дека овој начин на крадење гласови од помалите партии кои немаат набљудувачи на гласачките места е правен и во претходните изборни циклуси“ изјави Стевчо Јакимовски, претседател на ГРОМ.