Извлечени 68 тела на загинати во авионската несреќа во Непал

Шеесет и осум тела на загинати се извлечени во Непал по урнувањето на патничкиот авион во градот Похара, соопштија аеродромските власти.

Полицијата соопшти дека досега не пронашла преживеани откако авионот на „Јети ерлајнс“ се урна неколку минути пред слетувањето на аеродромот во Похара. Во него имало 68 патници и четворица членови на екипажот.

Авионот, кој летал од главниот град Катманду кон Похара, изгубил контрола и паднал во клисура.

Стотици спасувачи го пребаруваат ридот каде што се урна двомоторниот авион. Портпаролот на непалската управа за цивилно воздухопловство изјави дека временските услови биле добри во моментот на несреќата.