Воениот кабинет на Израел денеска гласаше за одобрување на договорот за ослободување на заложниците и примирјето со Хамас што беше постигнато синоќа во Доха, соопшти кабинетот на израелскиот премиер Бенјамин Нетанјаху.
Договорот сега ќе оди во владата на разгледување и гласање, што се очекува пред почетокот на Шабат, објави Тајмс оф Израел.
Препораката е дадена „по испитувањето на сите дипломатски, безбедносни и хуманитарни аспекти“ на договорот, со разбирање дека договорот „го поддржува постигнувањето на целите на војната“, велат од канцеларијата.
Канцеларијата не откри кој гласал за поддршка на потегот, но партиите на Безалел Смотрич, Религиозниот ционизам и Итамар Бен-Гвир, Еврејската моќ, рекоа дека нема да го поддржат договорот.
Претходно, владата рече дека планот сепак ќе биде спроведен од недела и покрај бирократските одложувања, што значи дека Високиот суд сè уште ќе треба да одржи расправа за барањата против договорот, иако не се очекува да интервенира.