Израелскиот напад врз Рафах би довел до нова хуманитарна катастрофа, порача јорданскиот крал

Јорданскиот крал Абдула изјави дека не може да се дозволи израелски напад врз Рафах, нагласувајќи дека тоа ќе доведе до „уште една хуманитарна катастрофа“.

„Ситуацијата е веќе неподнослива за повеќе од милион луѓе кои побегнаа во Рафах од почетокот на војната. Не можеме да стоиме на страна и да дозволиме ова да продолжи“, рече Абдула на заедничката конференција со американскиот претседател Џозеф Бајден во Белата куќа.

Тој нагласи дека сега е потребен траен прекин на огнот и дека „оваа војна мора да заврши“.

„Околу 100.000 луѓе се убиени, повредени или исчезнати. Мнозинството се жени и деца“, изјави јорданскиот крал.