Кабинетот на израелскиот премиер Бенјамин Нетанјаху објави дека делегација ќе отпатува во главниот град на Катар, Доха, за да разговара за позицијата на Израел за потенцијалниот договор за прекин на огнот во Газа, пренесува Ал Џезира.
Канцеларијата на Нетанјаху ги опиша последните предлози на Хамас за размена на затвореници и примирје како „нереални“, објави новинската агенција Ројтерс, повторувајќи ја претходната изјава објавена еден ден претходно.
Премиерот претходно изјави дека ги одобрил плановите за воена операција во Рафах, град на југот на Газа, каде што се засолниле повеќе од милион луѓе и дека армијата подготвува оперативни планови и евакуација на цивилното население. .
Во меѓувреме, канцеларијата за медиуми на владата на Газа соопшти дека израелската војска извршила пет одделни напади врз центрите за дистрибуција на помош во изминатите 48 часа во енклавата, при што загинаа 56 лица, а беа повредени повеќе од 300 други.
„Сметаме дека американската администрација и меѓународната заедница, покрај „израелската“ окупација, целосно се одговорни за злосторството геноцид“, се наведува во соопштението на Телеграм.
„Ги повикуваме сите земји од слободниот свет да извршат притисок врз окупацијата за да се запре војната за геноцид и етничко чистење против нашиот палестински народ“, соопштија од канцеларијата.