Израел секој ден ќе ја прекинува војната по четири часа

Израел ќе почне да спроведува четиричасовни паузи во борбите во северниот дел на Газа секој ден, објави Белата куќа.

Портпаролот Џон Кирби го нарече потегот чекор во вистинската насока и рече дека САД сакаат паузите да продолжат се додека се потребни.

Кирби рече дека најавите за паузите ќе бидат објавени три часа пред да започнат.

„Од клучно значење е хуманитарните резерви и помошта да се прошират во областите каде луѓето бегаат, во овој случај, тоа е јужна Газа“, рече Кирби.

САД имаат за цел да видат најмалку 150 камиони со помош кои влегуваат во Газа секој ден.