Израел истражува дали лидерот на Хамас – Јахја Синвар бил убиен во неодамнешните напади на израелската армија (ИДФ) во Газа, пренесува јавниот сервис КАН.
Во моментов нема потврдени информации за да го поддржат ова тврдење, а безбедносните служби се поделени околу тоа дали Синвар едноставно не е во контакт или всушност е елиминиран.
Отсуството на конкретни докази доведе до мешани оценки во заедницата за одбрана на Израел, што ја одразува тековната несигурност за неговиот статус, според Јерусалим пост.
Во напад во Техеран на 31 јули, беше убиен политичкиот лидер на Хамас, Исмаил Ханије, по што Синвар ја презеде командата со милитантната група.
Хамас, наводно, ја отфрлил најновата американска понуда за ослободување на заложниците и договор за прекин на огнот со Израел, велејќи дека е подготвен само да разговара за предлогот претставен од американскиот претседател Џозеф Бајден на 31 мај.
Цитирајќи американски и израелски официјални лица, Канал 12 известува дека палестинската милитантна група инсистира дека нема да разгледа какви било промени во трифазен предлог за договор за заложници и прекин на огнот за да се стави крај на војната во Газа, која започна на 7 октомври со смртоносен напад од страна на Хамас на југот на Израел, кога беа убиени околу 1.200 луѓе, а околу 250 беа киднапирани.
Во извештајот се нагласува дека лидерот на Хамас, Јахја Синвар, ги отфрла најновите американски напори насочени кон постигнување дипломатско решение за тековните конфликти, пишува „The Times of Israel“.
