Излета „голф“ кај прилепско Долнени, загина 18-годишна сопатничка

МВР инфрмира дека синоќа во 21.58 часот во СВР Битола било пријавено дека на регионалниот пат Македонски Брод – Прилеп, на место викано „Циглана“ во с. Долнени, Прилепско, патничко моторно возило „фолксваген голф“ со прилепски регистарски ознаки, управувано од В.М.(18) од с. Пешталево, излетало од патот.

Од здобиените повреди на местото починала сопатничката М.С.(18) од Прилеп, а смрт констатирал лекар од Итна медицинска помош.

Со тешки телесни повреди се здобиле возачот В.М. и другата сопатничка Б.С.(18) од Прилеп, констатирани во прилепската болница.

Увид на местото на настанот извршиле јавен обвинител и увидна екипа од Полициската станица – Прилеп.