Изгуби контрола и излета со мопед надвор од патот – почина на пат кон болница

МВР информира дека вчера попладне во Полициската станица Делчево било пријавено дека околу 14.15 часот на бул. „Македонија“ во Делчево, на излезот кон с. Ѕвегор, делчевско, Љ.И.(54) од с. Ѕвегор, управувајќи мопед без регистарски ознаки, изгубил контрола и со мопедот излетал надвор од коловозот.

Во несреќата, возачот се здобил со тешки телесни повреди и додека бил пренесуван кон болница починал.

Лекар од Итна медицинска помош констатирал смрт.

Извршен бил увид од јавен обвинител и увидна екипа од ОВР Делчево.