Изгоре голема површина трска во Охрид, загрозени биле и куќите

Во пожарот што вчера попладне изби кај Охрид изгоре голема површина трска. Од територијалната противпожарна единица (ТППЕ) Охрид информираа дека со часови се бореле да не се запалат и околните куќи.

-Сторителите кои ги подметнуваат пожарите мора да се санкционираат ! Изгорена е голема површина на трска во која егзистираат голем број на птици и животни, опожарени се и овоштарници, а од силниот ветар имаше реална опасност да се загрозат поблиските куќи кои се штитеа повеќе од четири саати ! Пожарот е ликвидиран од нашите екипи со помош на граѓани и членови на ДПД Ентузијаст Охрид-Дебрца, велат од Територијалната противпожарна единица (ТППЕ) Охрид.