Изгаснат пожарот кај Свети Николе

Центарот за управување со кризи (ЦУК) информираше дека целосно е изгаснат пожарот што избувна доцна попладнево во близина на Свети Николе.

Пожарот се проширил помеѓу селото Кадрифаково и бензинската пумпа „Мики Петрол“, во правец на ветерниците спроти фабриката „Агриа“, на ридови со висока трева и нискостеблеста шума.

Во гаснењето биле ангажирани пожарникарите од ТППЕ Свети Николе со подршка од ТППЕ Велес, противпожарното друштво од Свети Николе и екипа на ЈП „Национални шуми“.