Иванов со честитка за Денот на Бошњаците: Негувањето на културните различности и традиции е всаденo во кодот на Република Македонија

Претседателот на Република Македонија, Ѓорге Иванов, по повод 28 Септември, Меѓународниот ден на Бошњаците, упати честитка до припадниците на бошњачката заедница во Република Македонија.

Негувањето на културните различности и традиции, вели Иванов ,е всаденo во кодот на Република Македонија.

-Принципите на меѓусебна почит, заедништво и разбирање се вредности кои сите ги споделуваме и благодарение на нив успешно градиме иднина која ја посакуваме за себе и за своите деца, вели Иванов и додава дека бошњачката заедница дава огромен културен и економски придонес во развојот на демократска, развиена и модерна Република Македонија.