Иванов: НАТО не ја почитува пресудата од Хаг

by Фокус 17:41
17:41

Претседателот Ѓорѓе Иванов на денешната конференција на  Јадранската група држави, позната како А5 во Охрид го обвини НАТО дека не ја почитува пресудата од Хаг за македонско-грчкиот спор и со тоа прави стратегиска грешка. Додаде дека со натамошно нелегално блокирање на  членството на Македонија сериозно се блокираат колективните интереси и принципи на Алијансата.

-Пресудата е сè уште тука и чека да биде испочитувана и од Грција и од НАТО. Блокирањето на евроатланската интеграција на Македонија е школски пример за тоа како не треба да се гради безбедноста во регионот, рече Иванов.

- Advertisements -

Претседателот Иванов ја критикуваше и ЕУ, за која рече дека е неподготвена да се справи со кризата со бегалците.

Сведоци сме дека ЕУ е сè уште неподготвена соодветно да одговори на предизвиците и заканите. Мигрантската криза нè потсети дека Балканот е европска артерија клучен европски коридор што ја поврзува Европа со Блискиот Исток и Северна Африка. Мигрантската криза ја тестира принципиелноста на Европа, заклучи Иванов.

 

 

Поврзани новости