Џејмс Крамбли (47), таткото на момчето кое изврши масовно убиство во училиште во Мичиген, е осуден за убиство од небрежност. Ова е прва ваква пресуда во САД, а се очекува во следниот месец судот да се произнесе и за мајката. Момчето е осудено на доживотен затвор без можност за условно ослободување.
Судот одлучи дека Џејмс Крамбли ја игнорирал менталната состојба на својот 15-годишен син кога му го купил полуавтоматското оружје, со кое што уби четворица ученици во училиште во Мичиген во ноември 2021 година.
Џенифер Крамбл, мајката на момчето, која исто така е обвинета за убиство од небрежност, се очекува да биде осудена во следниот месец.
Случајот против Крамблс е прв во историјата на САД, во кој родителите се обвинети за убиство од небрежност за злосторства извршени од нивното дете во масовно пукање.
Синот на Џејмс и Џенифер, Итан, убил четворица средношколци кои биле на возраст од 14 до 17 години. Во престрелката се повредени седум лица.
Татко на една од убиените ученички рече дека осудувањето на таткото на убиецот е првиот чекор во борбата против оруженото насилство во САД.
„Нашите деца умираат секој ден во масовни убиства, а ние правиме малку за да го спречиме тоа. Можеме да испраќаме луѓе на Месечината, можеме да изградиме облакодери, огромни споменици како браната Хувер, но не можеме да се погрижиме нашите деца да бидат безбедни во училиштата“, рече таткото на 14-годишната Хана, која беше убиена во масакрот.
Обвинителката Карен Мекдоналд на прес-конференцијата истакна дека пресудата нема да ги врати четирите жртви, туку ќе ги одбележи одговорните за масовното убиство.
„Родителите можеа да ја спречат трагедијата доколку направеа и најмал напор“, рече таа.
Во своите завршни зборови пред судот, таа истакна дека Џејмс Крамбли не презел ни најмала мерка за да се осигура дека неговиот син не претставува опасност за другите откако му дал полуавтоматски пиштол. Таа исто така изјави дека родителите не направиле доволно за да се справат со психичката состојба на нивниот син.