Истепана и ограбена повозрасна скопјанка

Вчера попладне во ГОБ „Наум Охридски“ била донесена повозрасна жена со тешки повреди, а според МВР, станува збор за уличен грабеж.

„На 08.10.2021 во 15.15 часот во СВР Скопје од Градската општа болница „Св.Наум Охридски“ било пријавено дека кај нив била донесена М.С.(78) од Скопје, со тешки телесни повреди. Полициски службеници излегле на местото, при што било констатирано дека М.С. со повредите се здобила откако едно лице на подрачјето на Центар физички ја нападнало и ѝ ја одзело чантата. Се работи на расчистување на случајот“, велат од МВР.