Истакнати спортисти ќе бидат одликувани со „Медал за заслуги“

Претседателот Стево Пендаровски денеска на свечена церемонија со „Медал за заслуги“ ќе ги одликува Лазар Лечиќ, постхумно Благоја Георгиевски Буштур, Владимир Богоевски, Насе Насев и Борче Костовски.

Одликувањето, како што информираат од Кабинетот на претседателот, се доделува на истакнати спортисти, великани и легенди кои оставиле траен белег на спортските терени и дале огромен придонес за афирмација на македонскиот спорт и држава.