СДС брутално лаже за набавката на машините за бележење сообраќајници, одејќи со наратив дека е голема афера, а всушност станува збор за домаќинска набавка, велат од ВМРО-ДПМНЕ, по обвинувањата на владејачката партија за набавка на поскапи машини од реалните цени.
„СДС вели дека таквата машина можела да се набави за (цитираме) „две до три илјади евра“. Еве и да речеме дека е така, во прилог е линк на набавка на таква машина која ја направила општината Струмица каде градоначалник е Коста Костадинов од СДС. Таквата машина е набавена за сума од 15 илјади евра, или за 6 пати повисока од таа што тврди СДС дека може да се набави.
Оттука следствено на тоа ќе ги поставиме истите прашања кои ги поставува СДС. Што и да кажат и лажат од клептоманската СДС, јасно е дека градоначалници на СДС се фатени со рацете во медот.
Наместо да се обидуваат да ја манипулираат јавноста, од СДС да кажат во чии џебови завршиле астрономските разлики“ одговорија од опозициската партија.