Ирена Мулачка од Фокус ја доби првата награда за најдобра сторија

Новинарката на „Фокус“, Ирена Мулачка, го освои првото место на конкурсот за најдобри стории во организација на Советот на етика во медиумите на Македонија.

Наградата е за сторијата со скандалот на скопска гинекологија откако лекари вработени на Клиниката споделија со јавноста дека 80-тина новороденчиња починале за шест месеци во болницата.

Второто место го освои Никола Здравковиќ од емисијата 360 на телевизија Алсат за сторијата недостаток во Законот за пензиско и инвалидско осигурување.

Третото место го делеа Мирјана Јовановиќ Мирчевска од Канал5 телевизија и Марјан Николовски од Сител телевизија.

Новинарите Зоран Јовановски од емисијата 360 на Алсат телевизија и Маја Рангевска од списанието Лице в Лице добија пофалници.