Иран го задржува правото да одговори на „криминалната агресија“ на Израел, му порача министерот за надворешни работи Абас Аракчи на генералниот секретар на Обединетите нации во писмо со барање за итен состанок на Советот за безбедност, соопшти денеска иранското Министерство за надворешни работи.
Иранскиот министер за надворешни работи Абас Арагчи испрати писмо до шефот на ОН и шефот на Советот за безбедност во кое бара итен состанок на Советот за безбедност со цел да се заземе решителна позиција во осудата на израелската агресија, се наведува во соопштението на министерството.
Тој рече дека „повеќето од испуканите проектили биле пресретнати од иранскиот одбранбен систем“, но нападот предизвикал штета во одредени области, како и смртта на четворица војници чии фотографии ги објавил на Твитер.
We strongly condemn the criminal attack on Iranian military centers as a violation of international law and the UN Charter. Four of our Army heroes sacrificed their lives in defeating this reckless and cowardly assault.
We fully reserve our right to duly respond to this… pic.twitter.com/itS2WTfDja
— Seyed Abbas Araghchi (@araghchi) October 26, 2024
Арагчи рече дека израелскиот напад е јасно кршење на суверенитетот на Иран, кој го задржува неотуѓивото право да одговори на оваа криминална агресија.
Израелската војска соопшти дека ги погодила иранските ракетни фабрики, ракетни фрлачи и други системи во неколку региони и го предупреди Техеран да не реагира.
Иран го минимизираше нападот, велејќи дека предизвикал ограничена штета на неколку радарски системи, сигнализирајќи, како што велат набљудувачите, неподготвеноста на Техеран дополнително да ескалира.