Вистинска драма утрово се случила во градинка во градот Острава во Чешка, кога родител (40) наводно ја зел воспитувачката како заложник, и се заканил со нож и побарал да пристигне полиција.
Инцидентот се случил утрово нешто пред 8 часот.
„Диспечерот добил повик од градинката дека маж ја земал воспитувачката како заложник и барал да се повика полиција“, изјави портпаролката на полицијата Ева Михаликова.
Тој ја напуштил градинката веднаш штом сфатил дека е повикана полиција, а во овој инцидент нема повредени. Полицијата веднаш излегла на местото на настанот, а мажот бил уапсен на улица, на околу 150 метри од градинката.
Ostravští policisté zadrželi do několika minut muže, který měl ve školském zařízení vzít jako rukojmí učitelku a dožadovat se policie. Výhružku měl umocnit nožem. Zadržený je podezřelý z trestného činu vydírání. Ke zranění osob nedošlo. https://t.co/cuCbBgUO7Q #policiemsk pic.twitter.com/9bjQHdYdgJ
— Policie ČR (@PolicieCZ) September 23, 2024
„Направени се алко-тестови и нарко-тестови и двете се негативни. Човекот не бил случаен минувач, тој е правен застапник на едно од децата во градинката“, додаде Михаликова.
Полицијата го уапсила мажот и му го одзела џебниот нож со кој и се заканувал на наставничката.
Тој е во притвор додека трае истрагата.
Засега не е познато што довело до оваа драма.