Инфлацијата во ЕУ допрва ќе го достигне пикот

Редовниот есенски извештај на Европската комисија за состојбата на економиите во членките на ЕУ предвидува влошување на ситуацијата, јави дописничката на МИА од Брисел.

Според прогнозите на Европската комисија се очекува инфлацијата, која веќе достигна рекордни нивоа во ЕУ, уште да се зголемува во наредните месеци, по што би требало да почне да се намалува.

Пикот на инфлацијата е “поместен“ за крајот на годината, и стапката да достигне 9,3 отсто во ЕУ и 8,5 отсто во еврозоната. Од 2023 година таа би требало да почне да опаѓа, но умерено, на седум отсто во ЕУ и 6,1 отсто во еврозоната. Во 2024 се очекува пак да биде три отсто за ЕУ и 2,6 отсто за еврозоната.