Името на аеродромот променето, ќе се менуваат и таблите на автопатот

Автопатот Е-75 и аеродромот во Петровец и официјално ќе ги добијат нови имиња, откако беа објавени одлуките во Службен весник.

Така, автопатот со името „Александар Македонски“ ќе го добие новото име „Пријателство“.

Додека пак, аеродромот ќе го носи името Меѓународен аеродром Скопје или на англиски International airport Skopje.

Одлуката за преименување на автопатот и на аеродромот беше донесена на седница на Владата минатата недела.