Има ли конфликт во Кремљ?

Еден од луѓето кои се блиски до Владимир Путин директно го изразил своето несогласување со рускиот претседател во однос на неговите постапки во врска со војната во Украина, пишува „Вашингтон пост“, повикувајќи се на податоци добиени од американското разузнавање.

Според извор на весникот, приговорите изразени до Путин се однесуваат на неефикасното управување со војната и грешките направени од военото раководство.

Оваа информација, пишува весникот, се сметала за доволно важна за да се информираат за тоа американскиот претседател Џо Бајден и другите претставници на неговата администрација.

Во извештајот на разузнавањето се наведува името на близок соработник на Путин кој дозволил критики на претседателот, но тоа не им е познато на новинарите.