Илон Маск потврди дека има близнаци со колешка од „Тесла“

Илон Маск потврди дека добил близнаци со Шивон Зилис, проект менаџер во неговата компанија „Neuralink“.

На прашањето уште колку деца би сакал да има, тој одговорил:

-Колку што е можно повеќе. Сакам да го поминувам слободното време со нив и да бидам добар татко. Моите најстари деца почнаа на факултет, а тинејџерите не сакаат да поминуваат многу време со своите родители. Посакувам да беше поинаку.

Близнаците се родени во ноември, а нивните имиња сè уште се непознати за јавноста.

Тие се родени само неколку недели пред Маск и неговата поранешна девојка Грајмс да ја пречекаат нивната ќерка Екса Дарк Сидерел. Двајцата имаат и син, X Æ A-Xii.

Маск има уште пет деца од бракот со Џастин Вилсон: Грифин, Вивијан Џена, Каи, Саксон и Демијан.