Идентификувани загинатите во пожарот во Тетово

Преку ДНК анализи идентификувани се 14 лица коишто загинаа во пожарот. На обдукција е донесено и телото на помлада пациентка којашто починала непосредно пред пожарот.

„Со помош на ДНК анализи идентификувани се телата на 14-мина коишто настрадаа во пожарот, а извршена е обдукција и на помлада пациентка, чие што тело дополнително е донесено во Институтот за судска медицина“, вели првиот човек на Институтот за судска медицина, Александар Станков за ДВ.

Во текот на денот се очекува телата да им бидат предадени на семејствата на починатите.

Фото – Томислав Георгиев