И „Водовод“ со нов директор – Перински на местото на Весковски

Златко Перински e нов в.д. директор на ЈП Водовод и канализација Скопје, соопштија од Град Скопје.

-Перински е магистер по менаџмент за човечки ресурси со менаџерско искуство во приватниот сектор, а има искуство и како дел од раководниот тим на Спортскиот центар Борис Трајковски. Перински има работно искуство во повеќе успешни компании со подружници во 7 европски земји, управувал со застапништва на германска и на грчка компанија, се вели во соопштението од Градот.

Перински доаѓа на местото на Душко Весковски кој на последите локални избори беше кандидат за градоначалник на Општина Карпош од СДСМ.