По неколкучасовна дебата за избор на Ристо Пенов за нов министер за локална самоуправа меѓу пратениците од власта и опозицијата, потпретседателот на Собранието Горан Мисовски ја прекина 88. седница и повика утре да се продолжи со дискусија.
Расправата ќе продолжи и во текот на наредните денови додека не биде исцрпена со оглед на тоа дека е голем бројот на пријавени за збор, а на истата собраниска седница чека и гласањето за избор на уставните судии Фатмир Скендер и Татјана Васиќ Бозаџиева откако претходната недела заврши расправата и за двајцата кандидати.
Премиерот Димитар Ковачевски на денешната дебата во Собранието за предлогот Ристо Пенов да биде нов министер за локална самоуправа, отворено побара поддршка од пратениците за гласањето за негово назначување на функцијата.