И бугарската Влада го одобри текстот на Договорот со Македонија

Владата на Бугарија денеска одржа седница на која го одобри текстот на Договорот за добрососедство со Македонија. Бугарскиот премиер Бојко Борисов рече дека со потпишувањето на договорот за добрососедство е израз на желбата на Република Бугарија да изгради добрососедски односи засновани на европските вредности.

Борисов додаде дека повеќе години различни бугарски влади биле ангажирани во преговорите и дека секогаш се внимавало да се заштитат бугарските национални интереси.

-Со употребата на терминот „нашата заедничка историја” во договорот велиме дека историјата ни обединува, а не не разединува, рече Борисов.