До Централната изборна комисија на СДСМ денеска пристигна уште една кандидатура за претседател на партијата.
Станува збор за Властимир Алексовски, член и активист на СДСМ од општинската организација на партијата од Куманово.
Како што соопшти СДСМ, по анализирање на поднесената документација и утврдување дали апликацијата на Алексовски ги исполнува пропишаните услови, ќе одлучи дали ја верификувала апликацијата.
Прв кандидатура за партиски лидер најави и поднесе заменик-министерот за финансии Димитар Ковачевски, а тоа го сторија и поранешната министерка и пратеничка Фросина Ременски и поранешниот организациски секретар Миле Зечевиќ.
Во меѓувреме, Митко Андреевски и Јован Деспотовски порачаа дека се уште размислуваат дали да влезат во трка за партиски лидер.