Хрватскиот претседател Милановиќ влегува во изборна трка за премиер

Претседателот на Хрватска, Зоран Милановиќ, на претстојните избори во април ќе настапи како носител на листата на СДП во првата изборна единица, соопшти тој на прес-конференција со партискиот лидер, Пеѓа Грбин.

-По изборната победа, за која сум сигурен, ќе се повлечам од функцијата претседател и со поддршка на новото мнозинство во хрватскиот сабор ќе ја преземам одговорноста да ја водам владата. До доаѓањето на мојата нова функција ќе продолжам да ја извршувам функцијата претседател – изјави Милановиќ..

Актуелниот премиер, Андреј Пленковиќ рече дека потегот на Милановиќ покажал дека маските конечно паднале, а оти ХДЗ ќе го поразел СДП по трет пат.