Хрватски знамиња го обоија плоштадот, шест автобуси пристигнаа од Загреб

Хрватите остануваат најбројни посетители дојдени во Македонија да ја проследат посетата на папата Франциск. Хрватските знамиња го обоија плоштадот во Скопје, а посетителите велат дека ја искористиле можноста да прошетатат низ Македонија.

-Првпат сум тука. Дојдовме во саботата, бевме во Струмица, имаше многу луѓе во катедралата. Бевме низ неколку градови во Македонија. Шест автобуси сме од Загреб, има многу од Хрватска. Интересно е да се види друга култура. Ми беше желба и овој папа да го видам – вели Владо Будиќ, посетител од Загреб.

Свечената литургија на папата треба да почне во 11.00 часот. Плоштадот се полни со луѓе, а некои од нив си земале перничиња на кои седат за да се одморат од долгиот пат.

Јорданчо Цветаноски