Хрватска нема да ја користи руската вакцина пред дозвола од ЕУ

Хрватскиот премиер разјасни дека неговата земја нема да ја користи руската вакцина Спутник В сè додека нема зелено светло од европската агенција за лекови, ЕМА.

Андреј Пленковиќ ова го изјави во интервју за француската телевизија, Франс 24, за време на неговата посета на Брисел.

-Рековме дека ќе ги започнеме разговорите со руската страна, но би ја користеле само откако биде одобрена од страна на ЕМА, рече Пленковиќ.