Утрово околу 9 часот и 15 минути во семејната куќа во Вела Лука е пронајдено мртво тело на 67-годишна жена, која, според се уште неофицијални информации, ја убил 34-годишниот син А.Ш. По убиството, младиот човек физички ги нападнал мештаните на улица, a нападнал и сопственик на ресторан.
Сопругата на нападнатиот сопственик на угостителскиот објект изјавила дека А.Ш. целиот бил во крв и дека нејзиниот сопруг бил нападнат од зад грб.
-Слушнавме дека нападнал еден наш сонародник, а потоа на педесетина метри од местото каде што живее тој сонародник, го нападнал мојот сопруг од зад грб. Мојот сопруг се борел со него, а потоа младиот човек побегнал, а сопругот тргнал по него. Наскоро беше нападнат друг човек што го знаеме, сопругот истрча да му помогне на тој човек, а младиот човек побегна – рекла таа за хрватските медиуми.
Полицијата набрзо во семејната куќа го открила мртвото тело на мајката (67). Набргу го пронашле и го привеле А.Ш. Полицијата води истрага во семејната куќа во која се случи убиството. Истрагата ја води окружното државно обвинителство.
Мајката била по потекло од Бразил и се омажила за морнар во Вела Лука, кој бил на брод во моментот на убиството.