Владата го назначи Џелал Хоџиќ за заменик-директор на Агенцијата за остварување на правата на заедниците под 20%. Тој на оваа функција доаѓа од граѓанскиот сектор. За „Фокус“ вели дека ја прифатил понудата од Владата со цел да придонесе за подобрување на состојбите.
-Мојот мотив да ја прифатам оваа функција е за да се поправи состојбата со дискриминацијата врз етничките заедници кои се под 20 отсто, вклучително и на мојата бошњачка заедница. Владата ми укажа доверба, ќе се потрудам преку позицијата Заменик-директор на Агенцијата да ја оправдам. Сакам да напоменам дека тоа што немам партиска книшка не претставуваше проблем, вели Хоџиќ.
Додава дека неговото искуство стекнато преку работа на проекти покажува дека етничките заедници кои се под 20 отсто, а кои на хартија ги имаат сите права, во пракса сепак не ги уживаат.
К.С.