Хантер Бајден, синот на актуелниот американски претседател Џо Бајден, се изјасни за виновен за федералните даночни обвиненија против него во САД.
Со тоа тој ја смени претходната изјава од јануари 2024 година, кога изјави дека е невин, пренесува Танјуг, повикувајќи се на Гласот на Америка.
Бајден се изјасни за виновен по сите девет точки од обвинението и беше обвинет за проневера на вкупно 1,4 милиони долари, а во исто време ги трошел парите на наркотици, проституција и луксузни предмети.
Судијата Марк Скарси рече дека синот на Бајден се изјаснил за виновен и дека не постигнал договор со обвинителите.
Според зборовите на судијата Скарси, максималната затворска казна пропишана за тоа кривично дело е 17 години затвор, додека паричната казна се движи до 450.000 долари.
Во изјавата по сослушувањето, Бајден изјави дека се изјаснил за виновен за да ги поштеди родителите од непријатните детали од делот од неговиот живот во кој ги претрпел последиците од зависноста од дрога.
„Со оглед на сето она што го поминав во претходните години, сакав да ги поштедам од тоа“, рече Бајден.