Хан – граѓаните заслужуваат некорумпирано судство

Еврокомесарот за проширување Јоханес Хан во интервју за Радио Слободна Европа вели дека во однос на најавените судски реформи целосно му верува на експертот Рајнхард Прибе и неговиот тим. Во врска со СЈО тој вели дека сега е на владата да дискутира за тоа како натаму.

– Тоа што апсолутно е потребно да се врати довербата во независното судство, квалитетот на судството. Јас мислам дека тоа е и целта на луѓето што работат во него, обвинители, судии, државни службеници и мислам дека тоа е исто така нешто што граѓаните на земјата го заслужуваат, да може да се потпрат врз функционално, транспарентно и некорумпирано судство – вели Хан.