Хамас го ракетираше Тел Авив, погодена е зграда

Дани Гева, официјален претставник на Тел Авив изјави дека четири лица се повредени откако ракета погодила четирикатна станбена зграда во градот.

Гева изјави дека две лица се здобиле со повреди со средна тежина, а двајца полесно, пишува Би-Би-Си.

„Немаме толку многу жртви бидејќи луѓето ги следеа упатствата. Кога се огласија сирените, тие го напуштија станот и отидоа во прифатилиштата. Така беа спасени животи“, рече тој.

Одговорноста за нападот ја презеде бригадата Ал Касама на Хамас.

„Бригадите Ал Касам повторно истрелаа ракети кон Тел Авив како одговор на ционистичките масакри врз цивили“, се вели во соопштението.